Оваа Конференција ќе следи по дводневен работен состанок на Работната група на Консултативниот совет на Европски Судии кој ќе се одржи во Охрид од 1 до 3 јуни 2010 година, а посветен на подготовка на нацрт Мислењето број 13 за улогата на судиите во извршувањето на судските одлуки во нивните односи со другите државни функции и други актери.

Во светлината на подготовката на погореспоменатото Мислење, конференцијата има за цел да се претстави новиот систем на извршување на судските одлуки во Република Македонија и запознавање со компаративните искуства во извршување на судски одлуки во државите – членки на Советот на Европа.